आदर्श नागरी सहकारी पतसंस्थेचे ठेवीदार, खातेदार यांना पोलीस आयुक्तालयांचे आवाहन
आदर्श नागरी सहकारी पतसंस्था मर्यादीत एन-6 सिडको औरंगाबाद या पतसंस्थेचे अध्यक्ष अंबादास आबाजी मानकर व इतरांनी पतसंस्थेतील ठेवीदारांचे 202,24,63, 960/- रुपयांचा अपहार केल्याप्रकरणी पोलीस स्टेशन सिडको येथे गु.र.नं. 454/2023 व 455/2023 MPID कलम 406, 409, 420, 465, 467, 468, 471, 120 (ब), 217, 34 भादंवि सह कलम 3 महराष्ट्र ठेवीदारांच्या वित्तीय संस्थामधील हित संबंधाचे संरक्षण अधिनियम 1999, सह कलम 21 व 23 अनियंत्रीत जमा योजना प्रतिबंधक कायदा 2019 अन्वये गुन्हे दाखल असून मा. पोलीस आयुक्त औरंगाबाद यांचे आदेशाने तपासकामी विशेष तपास स्थापन केलेले असून मा. वरिष्ठांचे मार्गदर्शनाखाली पोलीस निरीक्षक संभाजी पवार हे विशेष पथकासह तपास करीत आहेत.
आदर्श नागरी सहकारी पतसंस्थेचे ठेवीदार, खातेदारांचे ठेव रक्कम, पैसे त्यांना परत मिळवून देण्याच्या अनुषंगाने विशेष तपास पथकाकडून गुन्हयाचा तपास व कायदेशीर प्रक्रिया करण्यात येत आहे.
आदर्श नागरी सहकारी पतसंस्थेचे ज्या ठेवीदार, खातेदारांची फसवणुक झालेली आहे अशा तक्रारदारांचे अर्ज स्विकारण्यासाठी पोलीस स्टेशन सिडको येथे विशेष एक खिडकी कक्ष स्थापन स्थापन करण्यात आला होता. सदरचा विशेष कक्ष आता मा. पोलीस आयुक्त कार्यालय, मील कॉर्नर औरंगाबाद येथील आवक जावक शाखा या ठिकाणी स्थलांतरीत करण्यात येत आहे.
आदर्श नागरी सहकारी पतसंस्थेचे ठेवीदार, खातेदार यांनी त्यांचे तक्रारी अर्ज यापुढे मा. पोलीस आयुक्त कार्यालय, मील कॉर्नर औरंगाबाद येथील आवक-जावक शाखा या ठिकाणी द्यावेत असे त्यांना आवाहन करण्यात येत आहे.
About Author
