लाडक्या बहिणींला सरकार’कडून दिवाळीचा गिफ्ट मिळणार | दोन महिन्याचे पैसे एकत्र देणार | विधानसभा निवडणुकीपूर्वी सरकारच..
दिवाळीपूर्वीच ladki bahin लाडक्या बहिणींसाठी शिंदे सरकारने मोठं गिफ्ट दिलं आहे. या ऑक्टोबर महिन्याच्या अखेरीस सणांचा राजा दिवाळी येत आहे. या सणाचा गोडवा वाढवण्यासाठी सरकारने मोठं पाऊल टाकलं आहे. सरकार विधानसभा निवडणुकीच्या तोंडावर हलचल सूरू केली आहे. लाडकी बहीण योजनेने सध्या राज्यात धुमाकूळ घातला आहे. Ladki bahin yojna maharashtra govt diwali gift
ही योजना महिला वर्गात लोकप्रिय ठरली आहे. त्यातच आता राज्य सरकारने एक मोठी खेळी खेळली आहे. या योजनेचे तीन हप्ते जमा झाले आहेत. महायुती सरकार विधानसभेच्या रणधुमाळीत अर्धी लढाई अगोदरच जिंकण्याची तयारी करत आहे. त्यानुसार दिवाळीपूर्वीच नोव्हेंबरचा हप्ता जमा करण्याची तयारी सुरू असल्याचा दावा करण्यात येत आहे. ऑक्टोबर महिन्याच्या अखेरीस दिवाळीचा धूम धडाका असेल. त्यातच लाडकी बहीण योजनेचा हप्ता मिळणार असल्याने दिवाळीचा गोडवा वाढणार आहे.
मुदत वाढणार का?
या योजनेतंर्गत कोट्यवधींचा निधी राज्यातील महिलांच्या खात्यात जमा करण्यात आला आहे. या योजनेत सहभागी होण्यासाठी सुरूवातीला महिलांची मोठी तारांबळ उडाली. त्यांना कागदपत्रे जमा करावी लागली. त्यानंतर बँकेत ज्यांची खाती नव्हती. ती उघडावी लागली. यापूर्वी ऑगस्टपर्यंत या योजनेत सहभागी होण्याची मुदत होती. ती 30 सप्टेंबरपर्यंत वाढवण्यात आली होती. आता ही मुदत अजून वाढवल्या जाण्याची दाट शक्यता आहे. त्यामुळे ज्या महिलांचे बँके खाते उघडले नाही. एखादं कागदपत्रं कमी पडल्याने त्यांना लाभ मिळाला नसेल तर आता त्या महिला योजनेचा लाभ घेऊ शकतील.
About Author
