Windows 10 बंद होणार; Microsoft ची घोषणा
- क्राईम टाईम्स टीम
नवी दिल्ली : २०२५ मध्ये Windows 10 बंद करण्यात येत असल्याचे मायक्रोसॉफ्ट कंपनीने सांगितले आहे. या कंपनीने अपडेटेड Windows लाइफ सायकल फेस शीटमध्ये सांगितले की, १४ ऑक्टोबर २०२५ रोजी Windows 10 Home, Pro, Pro for Workstations, आणि Pro Education बंद केले जाईल. म्हणजेच अमेरिका स्थित टेक कंपनी या तारखेपासून कोणतेही अपडेट आणि सिक्योरिटी फीचर जारी करणार नाही, अशी घोषणा मायक्रोसॉफ्टने केली आहे.
मायक्रोसॉफ्टने Windows 10 लाँच केले, त्यावेळी त्यांनी हे शेवटचे वर्जन असल्याचे सांगितले होते. परंतु, कंपनीच्या लेटेस्ट टीजरने या महिन्याच्या अखेरीस ‘Windows 11’ लाँच करणार असल्याचे म्हटले आहे. कंपनीच्या वेबसाईटवर एक नवा इव्हेंट लिस्ट केला आहे, जो २४ जून रोजी होणार असून ‘नेक्स्ट फॉर विंडोज’ येणाऱ्या प्रत्येक गोष्टीला हायलाईट करणार आहे. याबाबतची माहिती मायक्रोसॉफ्टने ट्विट करून दिली आहे.
मायक्रोसॉफ्ट बिल्ड २०२१ इव्हेंटच्या कंपनीचे सीईओ सत्या नडेला यांनी नेक्स्ट जनरेशन विंडोज अपडेट गेल्या दशकातील सर्वांत स्पेशल असेल. लवकरच आम्ही डेव्हलपर्स आणि निर्मात्यांसाठी आर्थिक संधी उपलब्ध करणार. गेल्या दशकातल्या विंडोजच्या सर्वांत महत्त्वपूर्ण अपडेटपैकी एक शेअर करणार आहे.
तसेच विंडोजच्या नेक्स्ट जनरेशनबाबत उत्साही आहे, असे नडेला म्हणाले. हे विंडोजचे नवे वर्जन २०२५ हून अधिक काळ चालेल. मायक्रोसॉफ्ट लोकांना नवे ऑपरेटिंग सिस्टमवर मायग्रेट करण्यासाठी अ‍ॅडिशनल वेळ देईल.
About Author
